MOOIKRANS OPLEIDING INSTITUUTWelkom by Mooikrans Opleiding Instituut
‘n Blink toekoms lê voor
AGRI STUDIES
Diplomas & Sertifikate
EQUUS STUDIES
Perde Wetenskap & Terapie
DOEN AANSOEK
Vir AGRI – of EQUUS STUDIES
Student wees beteken seker nie heeldag stil sit in ‘n klas nie – of hoe? By Mooikrans word elke kursus ondersteun deur ‘n praktiese aanslag wat 50% van jou slaagsyfer verteenwoordig. Dis ‘n praktiese ‘rol-jou-moue-op’ tipe opleiding wat jy hier kan verwag. Mooikrans voorsien meeste van die geleenthede om die praktiese komponent te voltooi.
Diplomas & Sertifikate
Vanaf 2024 bied Mooikrans die volle Nasionale Landbou Diploma aan wat binne 3 semesters (slegs 18 maande) voltooi kan word. Dit beteken ‘n groot besparing in tyd en geld. Hierdie verkorte tyd is slegs moontlik omdat MOOIKRANS as ‘n werkende plaas bestuur word.
Studente stap uit die lesinglokaal direk na die beeskraal, skaapkraal, landerye en weikampe vir praktiese ervaring.
Ingesluit by hierdie kursus (maar teen ekstra koste) is ‘n geakkrediteerde weeklange operateurs kursus wat op die Mooikrans kampus aangebied word deur PERITUM OPLEIDING INSTITUUT, in samewerking met John Deere, Suid-Afrika. Vir diegene wat belangstel om in Amerika of enige ander land te gaan werk is hierdie ‘n MOET.
Opleiding word gedoen op hoë spesifikasie John Deere trekkers, stropers, hoogloop spuite en vragmotors.
Sertifikaat (1-jaar)
Nasionale Landbou Sertifikaat
in Plantproduksie, NQF 4
Sertifikaat (1-jaar)
Nasionale Landbou Sertifikaat
in Diereproduksie, NQF 4
Diploma (2-jaar)
Nasionale Landbou Diploma
in Plantproduksie, NQF 5
Diploma (2-jaar)
Nasionale Landbou Diploma
in Diereproduksie, NQF 5
Sertifikaat
Internasionale Equus Wetenskap
en Perdondersteunde Terapie
Sertifikaat (1-jaar)
Mooikrans Fundamentele Kursusse
Dis ‘n wêreldklas
Tersiêre Opleiding
MOOIKRANS BIED:
South African Qualifications Authority (SAQA) akkrediteerde Landbou Sertifikate en Diplomas.
Ons bied ook met trots ‘n internasionaal erkende Equus Wetenskap Sertifikaat sowel as ‘n Perdondersteunde Terapie Sertifikaat.
Studentelewe
Studentelewe by Mooikrans is ‘n fees. Hier werk ons hard aan ons toekoms. Die geleenthede is vol op en dis die moeite werd. So tussen die gewoeker maak ons tyd vir ontspan. Tyd om wat die omgewing ons bied te kan geniet. Vroegoggend koffie, laataand kampvure en sokkiejol. Een van die gewildste ontspanning aktiwiteite is perdry en byna elke student verloor vroeër of later hul hart op een van ons talle pragtige ryperde. Hier is ‘n voorsmakie van wat jy by Mooikrans kan ervaar. Kyk gerus!
Minder is meer
By Mooikrans Opleiding Instituut studeer 60% van die ons studente Landbou en die balans studeer Equus Wetenskappe en Perdondersteunde Terapie. Equus studente gaan dikwels saam op landbou uitstappies, en andersom. Mooikrans studente funksioneer as ‘n hegte eenheid.
Mooikrans akkommodeer slegs 40 studente per jaar. Ons beplan dit so, want ons glo dat minder eintlik tot meer lei. Minder studente (in vergelyking met ander tersiêre instansies) beteken meer individuele aandag vir elke student. ‘Minder’, skep meer geleenthede om betrokke te raak. Ervaring op te doen. Leiding te neem.
Min, is intiem. Almal leer almal ken en so word vriendskappe gesmee wat ‘n leeftyd hou. Mooikrans se ‘minder is meer’ filosofie moedig almal aan om eenvoud en doeltreffendheid bo onnodige kompleksiteit te stel.
Doen aansoek
Dis maklik om by Mooikrans Opleiding Instituut aansoek te doen.
STAP 1
Laai die stel aansoekvorms af deur op die AANSOEKVORMS knoppie hieronder te klik. Daar is sewe dokumente in die stel wat voltooi moet word om aansoek te doen by Mooikrans Opleidingsinstituut. Lees asseblief elkeen noukeurig deur en vul al die velde in.
STAP 2
Stuur asseblief die volgende dokumente saam met die aansoekvorms:
Afskrif van MATRIEKSERTIFIKAAT of nuutste SKOOLRAPPORT
Minstens twee GETUIGSKRIFTE (van skool of predikant of pastoor)
Vol-lengte FOTO van die applikant
Getekende GEDRAGKODES en VRYWARINGSBRIEF
STAP 3
Epos na elna@mooikrans.co.za Mooikrans sal per e-pos reageer.
Klink op die knoppie om die stel aansoekvorms af te laai of elektronies in te vul.
Jy is uitgenooi na ons opedae.
3 Augustus 2024
5 Oktober 2024
2 November 2024
PROGRAM
Aankoms 10h30 vir 11h00
- Verwelkoming van gaste
- Landbou 2025
Manie Zwarts (Hoof Landbou Afdeling) - Equus 2025
Esmaré van den Heever (Hoof Equus Afdeling) - Tweedejaar student
- Eerstejaar student
- Tyd vir vrae
- Besigtiging van terrein en koshuise
Stuur asseblief ‘n WhatsApp aan Elna by 083 732 8172 om u bywoning te bevestig.
Vra gerus. Ons luister.
Skakel gerus vir Elna Wahl by 083 732 8172 of stuur aan haar ‘n WhatsApp of SMS by dieselfde nommer of ‘n e-pos na: elna@mooikrans.co.za